Харадинај на есен очекува визна либерализација за Косово
Утрешниот Ден на Европа - 9 мај, ќе биде последен кои граѓаните на Косово ќе го одбележат без визна либерализација, изјави денеска косовскиот премиер Рамуш Харадинај.
- Некаде на есен ќе патуваме слободно. Нема никаква дилема дека ова ќе биде последен 9 мај без слободно движење. Очекуваме Европската заедница во период од четири недели да соопшти дека Косово ги исполнило сите свои обврски за визна либерализација, изјави Харадинај по денешната седница на косовската Влада.
Тој посочи дека Косово нема веднаш да добие визна либерализација, затоа што треба да одговори и на барањата на другите држави, потврдувајќи им дека ги исполнило условите.
Запрашан за безбедноста на полициските службеници по трагедијата со двајцата полицајци, кои ги загубија животите во водите на реката Лепенец поради, како што тврдат медиумите, неисправно службемо возило, Харадинај истакна дека „наследил многу тешки теми од претходните влади“.
- Работите кои не се решиле 20 години јас ги најдов на работната маса/ Ќе се соочиме со нив, но за тоа треба време, нагласи Харадинај.
Косовската Влада одлучи на семејствата на двајцата полицајци, Арменд Трена и Малсор Даши, кои загинаа во несреќата во водите на Лепенец, да им додели по 10.000 евра.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“