Харадинај е оптимист дека Косово ќе добие визна либерализација во јуни
Косовскиот премиер Рамуш Харадинај изјави денеска дека верува оти во јуни годинава граѓаните на Косово ќе можат слободно, без визи, да патуваат во Шенген зоната, јави дописникот на МИА од Приштина.
Харадинај својот оптимизам за скорешно укинување на визите го поткрепи со изјавата на германскиот министер за надворешни работи Хајко Мас, кој во интервју за весникот „Штутгартер Нахрихтен“ истакна дека „реформите кои се направени таму (во Косово) се импресивни и тоа треба да се признае“.
– Затоа ја нагласив оваа изјава на германскиот министер, кој вели дека реформите се за почит. Поаѓајќи од оваа оценка јас мислам дека одиме кон либерализација. Јас се надевам многу дека во јуни годинава ќе го добиеме тоа што ни следува, односно визната либерализација, изјави Харадинај на денешната комеморација по повод 29-годишнината од убиството на косовскиот политички емигрант во Белгија, Енвер Хадри.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени