Хан: ЕУ подготвена за Брегзит

Преговарачкиот тим на ЕУ е подготвен за разговорите за излез на Велика Британија и се надева дека ќе се реализира договорената временска рамка за преговорите, кои треба да почнат на 19 јуни, изјави денеска европскиот комесар за проширување и соседска политика, Јоханес Хан.

- На Британија е да формира Влада и се надеваме дека тоа ќе се случи наскоро. Резултатите најверојатно нема да ги поедностават работите, но од наша страна, подготовките се направени. Господинот Мишел Барније е подготвен со својот тим, рече Хан на прес-конференцијата.

Според неговите зборови, ЕУ е многу заинтересирана за добар исход и сака да се придржува на предвидената временска рамка за разговори.