Хан апелира за итен прекин на огнот во југоисточна Турција

Европскиот комесар за проширување Јоханес Хан апелира за итен прекин на огнот во југоисточна Турција и за обновување на преговорите за мирно решавање на курдскиот конфликт, објави денеска „Хуриет дејли њуз“.

- Мировниот процес останува најдобрата можност за решавање на конфликтот, кој однесе голем број животи, изјави вчера Хан во Европскиот парламент.

Тој додаде дека сите страни вмешани во конфликтот имаат одговорност да обезбедат враќање кон политичкиот дијалог, што вклучува и завршување на вооружените судири.