Хамилтон најдобро се снајде на стартот во Сингапур

Возачот на Мерцедес Луис Хамилтон запиша уште една победа сезонава во формула 1 откако го освои првото место на трката за Големата награда на Сингапур. Ова за него е вкупно 60.та победа во кариерата. Сепак, трката беше решена на стартот кога возачите на Ферари Себастијан Фетел и Кими Раиконен останаа без пласман по сударот во кој учествуваше и Макс Верстапен од Ред Бул на влажната патека.

Во таква ситуација без Фетел, кој ја имаше пол позицијата Хамилтон и немаше проблеми да стигне до првата позиција на патеката „Марина Беј“.

Второт место го освои Даниел Рикардо од Ред Бул, а трет заврши вториот возач на Мерцедес Валтери Ботас.

Во генералниот пласман води Хамилтон со 263 поени, пред Фетел со 235 и Ботас со 212. Кај кострукторите на првото мест е Мрецедес со 475 поени, Ферари има 373.

Следната трка се вози на 1.октомври за Големата награда на Малезија.