Хакерска група тврди дека има медицински картони на илјадници агенти на ФБИ

Кибер-криминалците, кои претходно оваа недела објавија дека го хакирале Федералното истражно биро (ФБИ) на САД, тврдат дека добиле исклучително чувствителни медицински податоци од илјадници нивни специјални агенти, вклучувајќи ги и резултатите од тестовите за крв и урина, јави Би-Би-Си.

Медиумот виделе примероци од украдени медицински извештаи за „подготвеност за работа“, што содржат информации како што се резултати од тестови за крв и урина, како и лекарски белешки во кои се споменуваат состојби како што се „алергија на школки и банани“.

Досието ги содржи целосните имиња и адреси на агентите, како и детали за здравствени проблеми, вклучувајќи „крв во урината“ и „висок холестерол“. Експертите велат дека хакерскиот напад, кој го истражува ФБИ, би можел да ги изложи агентите на измама, уцена и целни напади, како и да им овозможи на криминалците да се претставуваат како органи за спроведување на законот.

ФБИ не одговори на барањата за коментар, но во средата потврдија дека системот е пробиен и дека активно истражуваат како се случило тоа.

МИА