Гвардиола го избра Силва за нов капитен

Португалскиот репрезентативец Бернардо Силва ќе ја носи капитенската лента во Манчестер сити во новата сезона, а негови заменици ќе бидат Рубен Дијаз и Ерлинг Халанд.

Одлуката ја донесе тренерот на Манчестер сити, Пеп Гвардиола, прекинувајќи ја својата практика во кариерата за капитенот да одлучуваат самите играчи.

„Јас сум шефот и сега одлучив да го покажам тоа. За прв пат во мојата кариера лично го избрав капитенот. Зошто? Затоа што не ми се допадна тоа што го направивме минатата сезона“, рече Гвардиола.

Манчестер Сити ја заврши минатата сезона без трофеј, а дури во последното премиерлигашко коло обезбедија пласман во Лигата на шампиони.