Гутереш е загрижен поради оставката на либанскиот премиер
Генералниот секретар на ОН, Антонио Гутереш синоќа изрази загриженост поради оставката на премирот на Либан, Саад Харири.
- Генералниот секретар е загрижен поради веста за предлогот за оставка на либанскиот премиер Саад Харири. Тој се надева дека сите страни ќе се фокусираат на напорите да го поддржат континуитет и работата на државните институции во Либан во согласност со Уставот и зачувувањето на државната безбедност и стабилност, истакна портпаролот на Гутереш, Стефан Дижарик.
Либанскиот премиер Саад Харири во саботата ненадејно соопшти дека поднесува оставка на функцијата и при тоа ги обвини шиитското движење Хезболах и неговиот сојузник Иран дека се обидуваат „да го присвојат" Либан.
- Поднесувам оставка од премиерската функција, изјави Харири, во обраќање емитувано на саудиската сателитска телевизија „Ал Арабија".
Харири го обвини Техеран за мешање во односите меѓу арапските држави, апелирајќи при тоа за „укинување на иранското оружје“ во регионот на Блискиот Исток.
Тој оцени дека сегашната политичка клима во Либан потсетува на онаа од времето кога беше убиен неговиот татко Рафик Харири и дека се плаши оти постои и заговор и за негово убиство.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера