Гулден: Ќе има многу борба (Вардар-Букурешт)

Ракометарките на Букурешт веќе пристигнаа во Будимпешта каде во сабота во рамките на полуфиналето од женската Лига на шампиони ќе играат против македонскиот шампион Вардар.

Во центарот на вниманието беше третиот стрелец на ЛШ Изабеле Гулден, која изјави:

- Ќе има многу борба. Двата тима сакаат да победат и да „одат“ во финалето. Можеби нема да биде убав ракомет, но ќе има борба.

Гулден која е шведска репрезентативка има постигнато вкупно 89 голови, а на дуелите со Вардар во Скопје постигна 8 голови, а во Букурешт 4.

Натпреварот Вардар - Букурешт се игра во сабота од 17:45 часот во Арената Ласло пап, додека од 15:15 часот играат Ѓер и европскиот првак Будуќност.