ГСОЛ избран за купувач на банкарските побарувања од ФЕНИ
Кредиторите на ФЕНИ Индустри Кавадарци, Комерцијална банка ад Скопје и Стопанска банка ад Скопје, денеска соопштија дека ја избрале понудата на ГСОЛ како купувач на нивните побарувања во кавадаречкиот комбинат.
Понуда за откуп на побарувањата имаше и од компанијата „Минстрој“.
- Ваквата одлука се заснова на целосна оценка на доставените понуди, роковите и условите за исплата на побарувањата, како и покажаната посветеност на овој инвеститор од почетокот на проблематичниот период за компанијата. Исто така, беше земено предвид дека „ГСОЛ" веќе ја исплати заостаната плата на вработените во „ФЕНИ Индустри", како и јавно објавената намера за соодветна исплата и на другите доверители кои имаат признаени побарувања во стечајната постапка на „ФЕНИ Индустри“, соопштија Комерцијална банка АД Скопје и Комерцијална банка АД Скопје.
Согласно условите од понудата, банките очекуваат целосната реализација на договорот за откуп на нивните побарувања да биде завршена до крајот на март 2018 година.
Како што појансуваат банките во соопштението, во целиот период, додека се вложувале напори да се пронајде најсоодветен инвеститор за сите доверители, се воделе разговори со голем број заинтересирани субјекти и на крај, последните денови, понуди за откуп на нивните побарувања од „ФЕНИ Индустри“ доставиле „ГСОЛ“ и „Минстрој“.
- Двете понуди беа сериозни, покажуваа посветеност и позитивни намери за обезбедување на иднината на „ФЕНИ Индустри", вклучувајќи и доказ за расположливи средства. По оценувањето на понудите, одлуката на банките е да се избере понудата на „ГСОЛ“ како купувач на нашите побарувања, стои во соопштението.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња