Грујичиќ: Србија е на прагот на епидемија на голема кашлица
Министерката за здравство Даница Грујичиќ денеска изјави дека Србија не е на прагот на епидемија на морбили, туку е на праг на епидемија на голема кашлица, јави дописникот на МИА од Белград.
-Од Нова година имаме околу 400 нови случаи на голема кашлица. Тоа е многу и моја молба до сите е да се вакцинираат децата според календарот што е законски предвиден. Преземаме непотребни ризици, изјави Грујучиќ при обиколката на Универзитетскиот клинички центар во Ниш.
Таа рече дека наскоро ќе се одржи седница на Републичката комисија за заразни болести, на која ќе се одлучи дали бремените жени ќе се вакцинираат против голема кашлица, за да се заштитат децата до две години, бидејќи децата дури по наполнети две години почнуваат да примаат вакцина против таа болест.
-Најголемиот број заразени деца се на возраст од 10 до 14 години, но за среќа, нивната клиничка слика не е толку тешка како онаа на малите бебиња. Децата кои починаа не беа заштитени со вакцината, рече Грујичиќ.
На територијата на Белград од 5 до 11 февруари се регистрирани 51 нов случај на голема кашлица, а од март 2023 година до 11 февруари годинава се регистрирани 815 случаи на оваа болест, соопшти Градскиот институт за јавно здравје.
До вчера на територијата на Србија се пријавени четири потврдени случаи на мали сипаници.
Ново на Сител
-
Кац: Израел е решен да го победи Хамас во Газа, ќе дејствуваме како една тупаница
-
Пожарот во ловиштето „Јасен“ сè уште активен, одбраната на објектите на претпријатието продолжува и во текот на ноќта
-
ЕУ повика на прекин на „секоја ескалација на тензиите“ во Србија
-
Левит: САД имаат многу алатки за да помогнат во завршувањето на конфликтот во Украина
-
Трамп: Постојат 25 проценти веројатност состанокот во Енкориџ да не успее, Путин е подготвен на договор
-
ЦУК: Од вкупно 27 пожари на отворен простор, активни се шест
-
Студентите во блокада за вечерва најавија нови акции во повеќе српски градови
-
Поднесена пријава за лицето кое влечеше куче со возило