Груевски и Заев на средби со Хан и тројката европратеници
Премиерот и лидер на ВМРО-ДПМНЕ попладнево пристигна во резиденцијата на ЕУ во Пржино на средба со еврокомесарот Јоханес Хан и тројката европратеници Иво Вајгл, Ричард Ховит и Едвард Кукан.
Груевски е придружуван од министрите за надворешни работи и за здравство, Никола Попоски и Никола Тодоров.
Во резиденцијата на ЕУ е и лидерот на СДСМ Зоран Заев, придружуван од Радима Шекеринска и Рената Трнеска Дескоска.
Еврокомесарот Хан претпладнето во ЕУ Инфо центарот се сретна и со претседателите на ДУИ и на ДПА, Али Ахмети и Мендух Тачи.
Според првичната најава од Европската комисија, по поединечните средби со лидерите на четирите најголеми политички партии, треба да се одржи и заедничка лидерска средба.
За доцна попладне е најавена прес-конференција на која еврокомесарот Хан треба да ги соопшти резултатите од разговорите со партските лидери за надминување на политичката криза.
Основа за постигнување конечен договор, како што велат од ЕК, е договорената рамка од 2-ри јуни што предвидува итни реформи во неколку области и одржување на вонредни парламентарни избори најдоцна во април 2016 година.
Ново на Сител
-
Трамп ветува „љубезен“ тон кон Кина доколку Пекинг почне трговски преговори со САД
-
Нова кривична пријава за ректорот на Универзитетот во Белград, нема да има средба со српскиот премиер
-
Градоначалникот на Карпош Стевчо Јакимовски осуден на три години и шест месеци затвор
-
Кривична пријава против директор на јавно претпријатие во Делчево за злоупотреба на службената положба
-
РЕК Битола: Присуството на прашина при поинтензивен ветер е позната појава, работиме на нејзино минимизирање
-
Украдени се две бронзени бисти на гробиштата во „Бутел“
-
Со фалсификат документи „аудито“ на вонбрачната партнерка го регистрирал на негово име
-
Јаневска: Две третини од слободните места се за упис во стручните училишта