Груби: Законите за коридорите 8 и 10д ќе се носат со европско знаменце

5 закони коишто се во врска со изградбата на коридорите 8 и 10Д ќе се носат со европско знаме, информираше на денешната прес конференција, првиот заменик на претседателот на Владата, Артан Груби.

“Увидувајќи ја очигледната блокада и заложништво на законите од страна на опозицијата и имајќи ги предвид интересите на граѓаните за брза, поевтина и квалитетна изградба на автопатиштата, Владата на денешната седница усвои пет предлог закони коишто ќе ги достави до пратениците. Со оглед на фактот што ЕУ го додаде на мапата на европски коридори и Коридорот 8, како и неговото геостратешко значење, заедно со Коридорот 10 и кракот 10Д, одлучивме законите да се предложат со европско знаме“, рече Груби.