Грција подготвува измени во изборниот закон

Според измените во изборниот закон на Грција на кои работи Владата, победничката партија (или коалиција) ќе добие 30 пратенички места повеќе од досегашниот бонус од 50 места, соопшти денеска министерот за внатрешни работи Панајотис Курублис.

Тој рече дека Владата, исто така, ја испитува можноста за воведување на порепрезентативен изборен систем на локално и регионално ниво, но ја отфрли можноста за пропорционална застапеност, иако Сириза беше за ваков систем во минатото.

Курублис изјави се разгледува и можноста на Грците да им се дозволи да гласаат на возраст од 17, а не 18 години, а големата атинска „Б“ изборна единица да се подели на помали делови.