Грција нема да ги прифати барањата на ММФ за промени во социјалната заштита

Меѓународниот монетарен фонд (ММФ) бара неповолни промени во системот за социјална заштита во Грција, но ние нема да ги прифатиме, изјави денеска грчкиот министер за труд Јоргос Катругалос.

- ММФ има екстремни ставови, но ние не се согласуме, истакна тој додавајќи дека прашањето за социјално осигурување е затворено во првата проценка на програма.

Како што јави дописникот на МИА од Атина, во изјава за телевизијата „Ант1“, тој уште еднаш повтори дека Владата го избегна хоризонталното намалувања на пензиите и објасни дека само 220.000 или 10 проценти од пензионерите беа погодени од промените.

Катругалос увери дека Владата ќе продолжи со корективните мерки за фриленсерите и научниците во однос на нивните такси за осигурување.