Грција денеска: На Халкидики плажите полни, на југот од земјата се борат со пожарите
Иако на југот на Грција беснеат пожари, Халкидики се опорави од неодамнешните поплави и таму сега има убаво и сончево време кое ќе продолжи и во наредниот период, јавуваат метеолозите.
Времето конечно ќе се стабилизира од недела, 29.јули кога се очекува сончево и убаво време. Мекасималните температури ќе се движат меѓу 27 и 28 степени, колку што се прогнозира, да речеме за Пефкохори.
Грчката национална метеолошка служба најавува дека на сила се уште е протокаловиот аларм за бура со грмежи, посебно во четврток, но од недела се очекува убаво време.
Сите кои тогаш планираат да патуваат во Грција не мора да размислуваат за лошото време.
Од друга страна, јужните делови од Грција не се безбедни зошто тамошните пожарникари и натаму се борат со катастрофалните пожари. Да потсетиме, вонредната состојба е прогласена во западниот и источниот дел од Атика. Надлежните истакнуваат дека 15 пожари избиле истовремено во 3 региони, а досега животот го загубија 79 лица, а многу се водат за исчезнати.
Метеоролозите објавија дека кон крајот на неделата, поточно во четврток, во Атина ќе падне дожд. Шансите за дожд се 30 отсто. Но тоа не е нужно добра вест за пожарникарите кои се борат со огнената стихија.
Според Си Ен Ен, може да дојде до кратки попладневни бури кои нема да производат многу дожд, туку би можеле само да ја отежат борбата со пожарите носејќи уште посилни ветрови и промена во нивното движење.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп