Грчката „супер бабичка“ го оствари нејзиниот сон со windsurf да помине 18 наутички милји
Кусо пред 18 часот по локално време, по речиси шест часа, 81-годишната Гркинка Анастасиа Геролимату, вчера го оствари нејзиниот сон откако со windsurf помина 18 наутички милји преминувајќи од островот Кефалониа на Пелопонез, jави дописничката на МИА од Атина
Геролимату за грчката новинска агенција АНА-МПА вели дека го исполнила сонот што го имала уште додека била дете, иако беше речиси шест часа во морето, коментира дека времето и поминало многу брзо.
-Сега им ја предавам палката на младите, со порака никогаш да не се откажуваат во животот, колку тешкотии и да имаат. Ги повикувам да го засакаат морето, а мојата цел е да ги учам младите windsurf, вели 81-годишната Гркинка за АНА-МПА, откако пристигна на целта.
Со успешно поминатите 18 наутички милји со windsurf, според медиумите, грчката „супер бабичка“ си обезбеди место во Гинисовата книга на рекорди.
Како што вчера објави МИА, Геролимату, на 81 година, реши да исполни нејзин стар сон, во пресрет на подвигот порача дека „возраста е само бројка“ и истакна дека е аматер во спортот со кој се занимава веќе 41 година, а учела сама.
За време на нејзината, како што самата вели, Одисеја од местото Скала на островот Кефалониа до пристаништето во градот Килини на Пелопонез ја придружуваа два чамци.
Ново на Сител
-
Апел за рационално користење на водата: Зголемената потрошувачка предизвикува прекини и намален притисок во Скопје
-
До сабота сончево и многу топло, дневната температура над просекот за јули
-
ЕМОФ Скопје 2025 отворен со спектакуларна церемонија - Македонија ја пречека Европа со спорт, музика и заедништво
-
Регионалниот пат Куманово - ГП Пелинце ќе биде затворен за сообраќај поради велосипедска трка
-
Куманово ќе спроведе трет треман на терестичка дезинсекција
-
Активни четири пожари, три се под контрола, а 15 се изгаснати
-
Рекорднa запленa од 206 кг кокаин на границата меѓу Бугарија и Турција, приведен дипломат
-
Шефот на мароканската дипломатија во посета на земјава на средба со Муцунски