Граѓани на Лондон бараат независност на главниот град

Десетици илјади граѓани на Лондон потпишаа денеска петиција со која се бара метрополата да остане во Европската унија откако градоначалникот Садик Кан изјави дека градот има право да гласа кога станува збор за преговори за напуштање на Британија на ЕУ.

Петицијата со наслов „За прогласување на Лондон независен од Обединетото кралство и приклучување во ЕУ“, на сајтот change-org, досега ја потпишаа повеќе од 40.000 луѓе.

– Лондон е интернационален град и сакаме да останеме во Европа. Со оваа петиција го повикуваме градоначалникот Садик Кан да го прогласи за независен и да поднесе барање за членство во ЕУ, се вели во петицијата.