Градоначалниците од Кисела Вода, Скопје и Велес им организираа екскурзија на децата со церебрална парализа
Тројцата градоначалници, на Општина Кисела Вода, на Град Скопје и на Општина Велес денес им организираа патување и еднодневна прошетка низ Велес на децата со церебрална парализа.
Во соработка со Здружението на родители на деца заболени од церебрална парализа, со поддршка од Железници на Република Македонија Транспорт А.Д. Скопје, дечињата заедно со своите родители, утрово добија бесплатно патување со воз до Велес, каде ќе се одвива денешната нивна екскурзија.
Среќен пат и убав помин им посакаа градоначалникот на Општина Кисела Вода Орце Ѓорѓиевски и градоначалничката на Скопје Данела Арсовска, присутна беше и сопругата на бугарскиот амбасадор Билјана Ангелова, а во Велес ги пречека градоначалникот Марко Колевски, во придружба на велешкото здружение на родители на деца со церебрална парализа.
Во текот на целиот ден тие ќе ги разгледуваат знаменитостите на овој град. Најпрво се упатија кон храмот посветен на Светите Кирил и Методиј, потоа ќе имаат прошетка низ младинскиот парк, по што им е организиран заеднички ручек. Патувањето завршува во попладневните часови, кога дечињата, повторно со воз, ќе се вратат во Скопје.
Ново на Сител
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа