Град Скопје испрати помош за поплавените делови на Македонија

 Град Скопје испрати техничка помош и механизација за поплавените подрачја во Охрид и околината.

Од Град Скопје денеска информираат дека се испратени две цистерни за влечење вода од јавното претпријатие „Водовод и канализација“, едно противпожарно теренско возило, како и две моќни пумпи за испумпување на вода. 

Покрај техничката помош, на терен во поплавените делови испратена е и екипа пожарникари од Противпожарната бригада на Град Скопје, поголем број лица од Штабот за заштита и спасување на Град Скопје, како и од јавните претпријатија.

- Штабот за заштита и спасување на Град Скопје ќе ја прати состојбата на терен и доколку има потреба ќе испрати дополнителна помош, се наведува во соопштението.