Грабар Китаровиќ загрижена поради ситуацијата во БиХ

Претседателот на Хрватска, Колинда Грабар Китаровиќ изјави по средбата со претседателот на Европската комисија Жан Клод Јункер дека разговарале специјално за ситуацијата во Босна и Херцеговина и таа изразила загриженост поради последните случувања и тенденции во таа држава. 

- Го замолив Јункер и воопшто ЕК да и посветат внимание на БиХ за да и помогнат на таа држава не само во процесот на реформите на патот кон членство во ЕУ, но и во уредувањето на таа држава, со што навистина трите народи ќе бидат рамноправни на целата територија на БиХ, рече Грабар Китаровиќ. 

Во врска со неодамна спроведениот референдум во Република Српска таа истакна дека ставот на ЕК е дека тој референдум е нелегален и е спротивен на Дејтонскиот мировен договор.

Грабар Китаровиќ изјави дека со Јункер разговарала за потребата од промена на Дејтонскиот мировен договор.