Голем интерес кај кумановци за вакцинација против сезонски грип
Во Куманово има голем интерес за вакцинирање против сезонски грип.
Епидемиолозите од Центарот за јавно здравје Куманово соопштија дека вчера и денеска 334 лица примиле ваквина и платиле 650 денари, а 120 лица го искористиле „Мој термин“ и бесплатно ја примиле вакцината пред почетокот на сезоната.
– Има голем интерес. Имавме мали технички проблеми во однос на креирањето на специјалистичките упати и во однос на донесувањето на чекот за пензија, но тоа е веќе усогласено. Матичните лекари ги креираат упатите и ги испраќаат лицата кои бесплатно ја примаат вакцината, изјави, доктор Јадранка Стаменковска, раководител на одделението за епидемиологија од кумановскиот Центар за јавно здравје.
Центарот за јавно здравје Куманово работи секој работен ден од 7 до 15 часот, вклучително и сабота.
Оваа јавна здравствена установа годинава набави 1.000 вакцини наменети за лицата кои за вакцинирањето плаќаат 650 денари. Станува збор главно за хронично болни лица. Од овие вакцини, 50 се наменети за општина Кратово, а 100 за Крива Паланка. Од бесплатните вакцини кои ги обезбеди Министерството за здравство, Центарот за јавно здравје Куманово доби 1.800 вакцини од кои 200 се за Крива Паланка и 100 за Кратово.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот