Годишен состанок на EUROSAI Работната група за ревизија на животната средина

„Ревизија на одржлив развој“ е темата на 14. Годишен состанок на EUROSAI Работната група за ревизија на животната средина EUROSAI WGEA  во организација на Државниот завод за ревизија на Република Македонија и работната група за ревизија на животната средина кој денеска, утре и задутре се одржува во Скопје.

На семинарот меѓународни и домашни експерти ќе го образложат концептот на одржлив развој и улогата на врховните ревизорски институции во осигурување на утврдените цели.

Во рамките на семинарот под мотото "Lets Audit Green“ предмет на дискусија ќе бидат темите за пазарно-ориентирани инструменти за заштита на животната средина и меѓународните стандарди на ВРИ за ревизија на животната средина.

Учествуваат вкупно 74 претставници од кои 52 се преставници на 23 Врховни ревизорски институции кои се членки на EUROSAI работната група за ревизија на областа и теми од животната средина, а 22 претставници се поканети гости и експерти од целиот свет.