Го прифатија поразот: Братот, војводата и генералот не освоија ниту еден пратеник

Коалицијата ВМРО за Македонија која ја основаа Георгиевски, Бошковски и Ангелов не освои ниту едно пратеничко место.

Според информациите од Државната изборна комисија оваа партија на деветтите парламентарни избори освои 24.449 гласови.

Стојанче Ангелов на социјалните мрежи им се заблагодари на граѓаните кои излегоа да гласаат и кои гласот го дале за неговата партија. 

Тој посочи и дека во следните неколку дена ќе ги соопштат идните активности на нивната коалиција.

„Кампањата заврши, изборите исто така. Полека се враќаме на нормала. Иако нашата коалиција не освои ниту еден пратеник сепак освои 24.500 гласови и се наметна како трета политичка опција во Република Македонија“, напиша Ангелов на Фејсбук.