Глисер потонал по судир со брод во Јаванско Море, 15 луѓе се водат како исчезнати

Најмалку 15 лица се водат како исчезнати откако глисер удрил во виетнамски товарен брод и потонал во Јаванско Море.

Патничкиот глисер превезувал 27 лица и на 40 километри источно од Јава се судрил со брод кој пренесувал скроб од Виетнам.

Сите 22 члена на екипажот на виетнамскиот брод се добро, но глисерот во кој се наоѓале главно индонезиски рибари потонал.

- Спасени се 12 луѓе, додека 15 се уште се водат како исчезнати, изјави портпаролот на локалната агенција за вонредни ситуации, Франс Суприади.

Во потрага по исчезнатите учествуваат бродови и хеликоптери.