„Ѓраѓаните“ го демолираа Челзи

Манчестер Сити го декласираше Челзи со 3:0 (1:0) во дерби натпреварот одигран во рамките на второто коло во Премиерлигата.

 

‘Граѓаните’ доминираа во текот на сите 90 минути против тимот на Жозе Мурињо, чија затворена варијанта овојпат не му донесе резултат.

 

Предводени од Кун Агуеро, играчите на Мануел Пелегрини одбраната на Челзи ја пробија во 31.минута кога Аргентинецот го постигна првиот гол. Конечниот удар Сити на својот ривал му го зададе во последните 12 минути кога двете грешки на Бане Ивановиќ ги казнија Компани и Фернандињо.

 

Поразот на Челзи можеше да биде и поубедлив но голманот Беговиќ во првото полувреме со три добри интервенции ги сочува својот гол.