Ѓорѓиевски најави финансиска помош за Делчево

Претседателот на ЗЕЛС и градоначалник на Општина Кисела Вода, Орце Ѓорѓиевски ги повика неговите колеги градоначалници да испратат помош за Делчево.

Вознемирувачки и апокалиптични сцени пристигнуваат од Делчево од невремето со пороен дожд кое за жал, ги поплави речиси сите куќи во понискиот дел на градот и предизвика огромна штета.

-Како претседател на ЗЕЛС, ги повикувам сите мои колеги градоначалници во Република Македонија уште еднаш да ја покажеме својата големина и да помогнеме во санирање на штетите од поплавените подрачја на нашиот источен бисер – градот Делчево. А како градоначалник на општина Кисела Вода, веќе на следната седница ќе поднесам иницијатива од советниците за обезбедување на финансиска помош од минимум 300.000 денари, најави Ѓорѓиевски.