Ѓорчев: Македонија беше и тоа како жестоко понижена последниве три - четири години

Победата беше очекувана бидејќи тој лично доста изминативе 20-тина дена, месец дена ја поминав цела Македонија. Буквално ја преорав Македонија од најмалите места до најголемите места и се чувствуваше во воздухот енергијата. Имаше доста акумулирана енергија кај луѓето. Имаше големо незадоволство од состојбите во Македонија. На Македонија и се случија навистина тешки работи. Македонија беше и тоа како жестоко, жестоко понижена последниве три – четири години. Од друга страна имаме ситуација во која што Македонија има најголема смртност на светот од корона вирусот, истакна Владимир Ѓорчев, член на ИК на ВМРО-ДПМНЕ во утринската програма на Алфа телевизија.

Ѓорчев потсети дека поради неспособноста на власта во Македонија има најголема смртност од КОВИД-19, се погребаа над 7.000 невини граѓани. Над 50.000 луѓе поминаа голгота низ здравството на Филипче каде што немало кревет, каде што немало лекови, немало терапија, немало Брза помош.

– Овој Заевизам е најкорумпиран според листата на „Транспаренси Интернешнл“. Најлошо место во историја откако постои независна Македонија, 111-то место. Опишани сме како хибриден режим, нема нови фабрики, нема нови вработувања, по сите индикатори имаме егзодус од Македонија, иселување како што немало 100 години наназад, рече Ѓорчев.