Ѓинѓиќ: Раст на производството на оружје во БиХ

Дванаесет компании, што работат во рамки на индустријата за наменско производство во хрватско-муслиманската Федерација Босна и Херцеговина, во првите шест месеци од годината извезле оружје, муниција и воена техника во вредност од околу 150 милиони конвертибилни марки (приближно 75 милиони евра), објави весникот „Дневни аваз“.

Според весникот, овие податоци се изнесени на средбата на министерот за енергетика на Федерацијата БиХ, Нермин Ѓунѓиќ, со директорите на овие компании.

Министерот Ѓинѓиќ изјави дека неменската индустрија бележи голем раст. Минатата година Федерацијата извезла оружје во вредност од 249 милиони конвертибилни марки.

- Годинава очекувавме извоз на оружје од околу 305 милиони марки, но сега оваа бројка ќе биде поголема за околу 30-40 милиони конвертибилни марки, рече Ѓинѓиќ.