Герпатеритис: Селф тестовите од четврток и за другите категории грчки граѓани
Имаме намера во текот на оваа седмица, од четврток, селф тестовите да бидат достапни и за други категории граѓани и вработени, кои би биле околу 900.000, рече државниот министер на Грција Јоргос Герапетритис во интервју за грчката телевизија „Open“ и откри дека станува збор за вработените и во јавниот и во приватниот сектор, како што се малопродажбата, судството, угостителството што е отворено, банките, јави дописничката на МИА од Атина.
Во првата фаза, тестовите за домашна употреба, односно селф тестовите се наменети само за учениците на возраст од 16 до 18 години и за професорите во дел од средните училишта што отворија вчера, а Герапетритис истакна дека „искуството со учениците беше особено охрабрувачко“.
Паралелно, потенцираше дека овие тестови може да бидат важно оружје во одредени области за да се запре ширењето на вирусот.
Во однос на велигденските празници и можноста да се укине забраната за движење меѓу градови и патување меѓу региони, државниот министер во интервјуто објасни дека пред сè, потребна е препорака од комисијата на епидемиолози за да се дозволи такво нешто, но и дека е рано да се говори за условите под кои оваа година ќе се прослави Велигден.
-Реалноста е дека во овој момент имаме многу повеќе оружја, а двете големи оружја се вакцинацијата и селф тестовите, истакна Герапетритис, додавајќи дека Грција се наоѓа „многу поблиску до слободата“.
За вакцинацијата објасни дека процените се дека во мај ќе има три до три и пол милиони вакцинации и ќе се постигне „важен ѕид на имунитет“.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари