Германскиот парламент го отфрли предлогот за испорака на ракети Таурус на Украина
Германскиот парламент го отфрли предлогот поднесен од конзервативната опозиција за снабдување на Украина со ракети со долг дострел Таурус.
Против проектот синоќа гласаа речиси сите пратеници од владејачката трипартиска коалиција.
Овој развој на настаните може да изгледа збунувачки со оглед на тоа што две од трите партии кои се дел од владата, Зелените и Слободната демократска партија, со месеци го повикуваа социјалдемократскиот канцелар Олаф Шолц да ги испрати проектилите што Украина би можела да ги искористи за да изврши напади во териториите окупирани од Русија, пишува ДПА.
„Таурус“ се едни од најнапредните ракети и можат да уништуваат бункери и од голема височина и оддалеченост.
На почетокот на октомври минатата година, германскиот канцелар одлучи да не испорачува такво оружје на Украина.
Аргументот изнесен од Шолц во тоа време беше загриженоста дека Киев би можел да ги користи ракетите Таурус, кои имаат дострел од 500 километри, за да нападне длабоко во руска територија.
Сепак, според експертите, ова оружје може да и помогне на Украина да го врати својот територијален интегритет.
Ново на Сител
-
ЦУК: Четири активни пожари, три под контрола
-
Трамп нагласи дека имал „многу добар разговор“ со европските лидери
-
Шефот на НАТО вели дека Европа и Трамп се обединети во напорите за завршување на војната во Украина
-
Пожарите во Албанија не стивнуваат, најкритично во Делвина и Финиќ, опозицијата бара прогласување вонредна состојба
-
Вучиќ најави дека нема да се кандидира на следните избори
-
Венс: Трамп ми рече дека има мисија да го врати мирот во Европа
-
ЦУК: Пожар од поголеми размери избувна кај Октиси, авион на ДЗС на пат кон локацијата
-
Полицаец во Кичево физички нападнал повикано лице во полициска станица