Германската царина откри 1.500 тарантули криумчарени во колачи
Германските царински службеници пронашле околу 1.500 млади тарантули скриени во пластични садови во кутии со чоколадни бисквити. Пратката пристигнала од Виетнам на аеродромот „Келн/Бон“ на 18 јуни 2025 година, а чуден мирис довел до откривање на овој нелегален обид за увоз на егзотични животни, објави „Еуроњуз“ (Euronews).
Според официјалните наводи, царинските службеници се посомневале во содржината на пратката бидејќи мирисот што се ширел не се совпаѓал со слатките како што биле декларирани.
- Моите колеги на аеродромот честопати се изненадени од содржината на забранетите пратки од целиот свет, но фактот дека пронашле околу мали пластични садови со 1.500 млади тарантули во овој пакет ги остави без зборови дури и најискусните, изјави Јенс Аланд, пертставник на царината во Келн.
Повеќето од малите животни угинале за време на транзитот. Останатите беа спасени. Примателот се соочува со кривични обвиненија.
Аланд го опиша целиот случај како „исклучителен“, но и „тажен“, бидејќи покажува што некои луѓе се подготвени да направат на животните за заработка. Во телефонски разговор, тој додаде дека пазарната вредност на запленетата пратка сѐ уште се проценува. Поради условите во коишто биле пренесувани, голем број тарантули не го преживеале патувањето, што веројатно, е и прекршување на германските закони за заштита на животните. Преживеаните единки биле згрижени од тим стручњаци кои ќе се погрижат за нивното закрепнување и безбедност.
МИА
Ново на Сител
-
Тешко повреден параглајдерист во Крушево се пренесува со полициски хеликоптер во Скопје
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден
-
23-годишник под истрага за илегално држење и продавање марихуана
-
Делчево добива Центар за услуги – дел од националниот портал за дигитални услуги
-
По два дена нормализирано водоснабдувањето во Тетово
-
Дубровник најбезбеден туристички град во Европа