Германска министерка се изјасни за забрана на огномети во Германија

Повредите и смртните случаи од моќни огномети низ Германија за време на новогодишните празници повторно поттикнаа дебата за нови ограничувања или дури и можна забрана на огномет низ целата земја, јави ДПА.

Министерката за внатрешни работи за Берлин, Ирис Спренгер, денеска се изјасни за широка забрана за огномет во земјата со ограничени локални исклучоци и рече дека федералната влада има должност да дејствува.

– Ги поддржувам повиците за општа забрана за огномет, изјави Спрангер за ДПА.

Според сегашниот германски закон, огнометите се регулирани како експлозиви, но генерално се дозволени, при што на локалните власти им е доделено само одредено ограничено овластување да наметне дополнителни ограничувања.

Во Берлин во последните години имаше прослави со големи огномети низ целиот град, а Спрангер рече дека претпочита нова законска рамка што ќе му овозможи на градот да го ограничи огнометот само на неколку одредени „зони со дозвола за пиротехника.