Германија: Најмал број новоинфицирани со Ковид-19 на дневно ниво во изминатите девет месеци
Во Германија регистриран е најмал број новоинфицирани со Ковид-19 на дневно ниво во изминатите девет месеци, поради што официјалните лица ја разгледуваат можноста за релаксирање на правилата во врска со носењето заштитни маски.
Институтот Роберт Кох соопшти дека во последните 24 часа се регистрирани 549 новоинфицирани лица – првпат од 21 септември бројката да е помала од 1.000, иако обично се случува бројките да бидат релативно ниски во однос на викенд затоа што се тестираат помалку луѓе.
Од почетокот на пандемијата во Германија беа заразени повеќе од 3,7 милиони луѓе, а со новите 10 смртни случаи, бројот на починати достигна 89.844.
Со намалување на бројот на заразени, се покрена прашањето за носење заштитни маски. Министерот за здравство Јенс Шпан за новинската група „Фанке“ изјави дека треба да се оди постепено и дека прво треба да се укинат правилата за носење маски на отворено.
Тој додаде дека мерката носење маски во затворен простор може постепено да се укине во области со мал број заразени лица и висока стапка на вакцинација.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај