Германија ќе одговори на протекционизмот на САД

Германија е подготвена да одговори на која било од протекционистичките мерки што ги најавува новата американска Админситрација на претседателот Доналд Трамп, изјави денеска германската министерка за економија Бригите Ципрес.

- Доколку САД се сериозни за воведување на конкретни мерки за заштита на својата економмија, тогаш мора да знаат дека некој ќе мора да преземе контрамерки, изјави Ципрес на собир на претставници на германската индустрија во Берлин.

Како што јави дописникот на МИА од Берлин, Ципрес, која доаѓа е од редовите на Социјалдемократската партија на Германија (СПД) и која минатиот месец го замени новиот шеф на германската дипломатија Зигмар Габриел на местото министер за економија, минатата недела изјави дека политиката на американскиот претседател Трамп се движи во „целосно погрешен правец“ и дека ќе им нанесе повеќе штета на САД.