-->
-->
Германија го предвиде економскиот раст за 2016 и 2017 година
-->
Германската Влада предвидува дека економскиот раст до крајот на оваа година ќе биде 1,7 отсто (исто како и минатата година) додека за наредната 2017 година растот ќе бележи благо намалување и ќе биде на ниво од 1,5 процент.
Прогнозата за растот во 2016 е иста како и таа објавена во јануари но новина е тоа што владата во Берлин првпат објавува анализа за економскиот раст за 2017 година.
"Растот на германската економија ќе продолжи во текот на оваа и наредната година. Домашната побарувачка има зголемено влијание на растот“, изјави денеска во Берлин министерот за Економија и вицеканцелар во германската влада Зигмар Габриел.
Првиот човек на германските социјалдемократи пред новинарите се осврна и на критиките кои што членови на конзервативниот блок предводен од канцеларката Меркел ги упатуваат до Марио Драги и Европската централна Банка.
Според Габриел време е да се престане со играта во која што ЕЦБ се претставува како лошиот фактор.
„Доколку влезете во таква дебата брзо ќе сфатите дека проблемот не е во ЕЦБ и господинот Драги туку во недостаток на волја да се откажете од фокусот кој што е целосно насочен кон мерките за штедење“, изјави Габриел.
Фискалната политика за штедење за која се залага Берлин честопати е критикувана од други земји членки на Еврозоната за кои Германија треба да ги искористи ниските каматни стапки кои ги воведе ЕЦБ за да ја зголеми потрошувачката. Германија е најсилната европска економија и од трендовите на национално ниво најмногу зависи какви ќе бидат перформансите на целата економија во ЕУ и Еврозоната.
-->
-->
-->
Ново на Сител
-
Коцевски: Се бара краткотраен притвор за 10 лица, ова е ерозија на системот
-
Крешник Бектеши се поврзува околу фалсификуваните лиценци за дискотеката во Кочани
-
Од утре темелна истрага, контрола на сите дискотеки во државата и немилосрдна борба против корумпираниот систем
-
Мицкоски: Ќе има силна кривична одговорност, независно кој од која партија е, на која функција или од која институција
-
Силјановска-Давкова: Не е време за делби и конфронтации, смртта и болеста не допира сите
-
СДСМ: Граѓаните да ја добијат вистината, а одговорните да одговараат
-
Крешник Бектеши повикан на информативен разговор во полициска станица
-
115 лица хоспитализирани во македонските болници, 47 се на лекување во странство