Германец загинал обивајќи автомат за кондоми
Еден 29-годишен Германец загинал при обидот да ограби автомат за кондоми, соопшти германската полиција.
Инцидентот се случил на Божик во градот Шопинген, на крајниот запад од Германија.
Загинатиот, чиј идентитет не е обелоденет и двајца негови пријатели, направиле експлозивна направа, а потоа ја поставиле на еден автомат за кондоми, сместен во малку прометна улица.
Пред да се активира „бомбата“ тие побрзале да се засолнат зад нивниот автомобил, но жртвата задоцнила со криењето и парче од металот од разнесениот автомат го погодило директно во главата.
Тешко повредениот крадец, неговите пријатели веднаш го префрлиле во најблиската болница, но тој набргу починал.
На лекарите тие им рекле дека нивниот пријател паднал по скали, но подоцна и признеле на полицијата што навистина се случило.
Двајцата соучесници во обидот да се обие автоматот за кондоми се уапсени, но веднаш потоа се пуштени со кауција.
Полицијата соопшти дека не утврдила дали целта на „бомбашкиот напад“ биле кондоми или парите во автоматот, но при проверката е утврдено дека не бил земен ниту еден кондом, а и сите пари биле на број.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево