„Газпром“ годинава ќе издвои 540 милиони евра за „Турски поток“
Рускиот енергетски гигнат „Газпром“ за 2016 година има предвидено над 38 милијарди рубљи (540 милиони евра) за подготовка за изградба на гасоводната мрежа за проектот „Турски поток“, јави ТАСС.
- Соодветно на преразгледаната инвестициска програма на „Газпром“ за 2016 година, планирани се 38 милијарди рубљи за реализација на проектот, се посочува во се вели во меморандум на рускиот холдинг,
Проектот го најави руската Влада уште во декември 2014 година, како замена на „Јужен поток“. Гасоводот „Турски поток“ ќе биде долг 660 километри по стариот коридор и уште 250 километри од новата делница до европскиот дел Турција.
На 1 декември 2014, „Газпром“ и турската компанија „Боташ“ потпишаа меморандум за взаемна соработка за изградба на гасоводот „Турски поток“, што ќе има капацитет од 63 милијарди кубни метри гас годишно и ќе го пренесува енергенсот од Русија кон Турција преку Црното Море.
Проектот беше замрзнат минатата есен по влошување на односите меѓу Москва и Анкара, поради уривањето на руски авион од страна на турските сили над границата со Сирија. По затоплувањето на односите меѓу двете земји во јули годинава, беше најавена возобнова на проектот, а при неодамнешната посета на рускиот претседател Владимир Путин на Истанбул и официјално беше потпишан договор за изградба на гасоводот.
Вкупната вредност на проектот се проценува на 11,4 милијарди евра.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен