Гаук: Ограничувањето на пристапот на бегалците во Германија не е неморално

Германија не може да ги прифати сите кандидати за азил, кои сакаат да почнат нов живот тука и не е неморално од страна на Берлин да го ограничи приливот, изјави денеска на Светскиот економски форум во Давос, германскиот претседател Јоаким Гаук.

Тој ги повика останатите европски држави да ја споделат со Германија одговорноста за бегалците. 

Германија ја презеде најголемата одговорност за најмасовната бегалска криза во Европа од Втората светска војна. Локалните власти во многу делови на Германија соопштија дека имаат тешкотии во справувањето со приливот на бегалците.

Се зголемува и притисокот врз канцеларката Ангела Меркел да се откаже од политиката на отворени врати и дури и да ги затвори границите на земјата за нови мигранти.

Гаук, поранешен пастор во комунистичка Источна Германија, не ја поддржува оваа драстична мерка, но смета дека постои морална и политичка потреба од политиката за ограничување на бегалскиот прилив за да се создаде можнот земјата да се справи со оваа ситуација.