Галаб Донев: Коалициска формула за влада е неизбежна, гласањето помина мирно
Бугарските гласачи, кои учествуваа на изборите со својот глас или одбивање да гласаат, одлучија дека коалициската формула за создавање влада е неизбежна. Ова го изјави в.д. премиерот Галаб Донев пред почетокот на денешната владина седница, јави БТА.
„Гласањето беше мирно и транспарентно, согласно законот. Не беа пронајдени значителни прекршувања. Граѓаните слободно го изразуваа својот глас“, посочи Донев. Тој рече дека една од главните задачи на преодната влада беше да ги подготви и организира предвремените парламентарни избори на 2 октомври.
„Честитки за добро завршената работа на сите министри кои беа директно вклучени“, рече тој. Според Донев, слабиот одѕив на гласачите на изборите и значителното гласање за „не поддржувам никого“ се повод да се анализира и преиспита однесувањето на партиите.
„Со тоа што не поддржуваат никого или не гласаат, гласачите ги обврзуваат бугарските политичари да ја понудат својата подобра верзија. Во наредните денови претседателот ќе го свика 48. Народно собрание. И покрај општите очекувања, се надеваме дека ќе има долг живот, бидејќи најдобро ја знаеме сериозната потре ба од ефикасно работен парламент“, додаде техничкиот премиер на Бугарија.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени