Француските власти сакаат да ја евакуираат половината од „џунглата“ во Кале

Според префектурата од Кале, предвидена е евакуација на половината од „џунглата“ во Кале, дел во кој живеат во тешки услови околу 800 до 1.000 мигранти кои сакаат да преминат во Велика Британија, јави дописникот на МИА од Париз.

Од своја страна невладината организација „Крчма на мигрантите“ проценува дека нивниот број е околу 2.000 лица, вкупно во џунглата живеат околу 4.000 лица во тешки санитарни услови.

На мигрантите им е дадено една недела за да ги напуштат нивните привремени живеалишта кои се протегаат на околу седум хектари.

Последниве денови се почесто се зборува за насилство на кое се изложени мигрантите од страна на организирани групи, кои сакаат да се пресметаат со нив.