Француски кошаркар во Кина казнет бидејќи не гледал во знамето за време на интонирање химна
Француски кошаркар, поранешен играч во НБА е осуден и казнет со 1.400 американски долари од спортски претставници во Кина зашто не го гледал во кинеското знаме за време на интонирање на националната химна пред натпревар.
Играчите во кинеската кошаркарска асоцијација (ЦБА) треба да гледаат во националниот симбол за време на химната, но на телевизиските слики се покажа дека Гуершон Јабуселе, кој игра за Нанџинг Тонгџи Манки Кинг, имаше глава надолу пред натпревар во петокот.
На Јабуселе му беше изречено „сериозно предупредување“ и парична казна од 10.000 јуани за не гледање во знамето како што се бара, се вели во соопштението на ЦБА
Јабуселе, кој играше во Бостон Селтикс две сезони пред да се приклучи на тимот на ЦБА оваа година, не го коментираше инцидентот.
Кинеската Влада ја засили промоцијата на патриотизмот за време на претседателот Си Џинпинг, со закон одобрено во 2017 година за казнување на секој што не ја почитува националната химна со казна затвор до три години.
Минатата година на бразилски играч од фудбалскиот клуб Шандонг Луненг, Диего Тардели, му беше изречена забрана за играње на еден натпревар заради триење на лицето за време на интонирање на химната пред натпревар.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација