Франција сугерира нов пограничен договор со Велика Британија за мигрантите
На мигрантите во импровизираниот камп кај Кале, на француската страна од Ламанш, кои бараат азил во Британија, би требало да им се дозволи барањата да ги поднесуваат додека се уште се на територијата на Франција, изјави претседателот на регионот Кале, Хавиер Бертран.
Во разговор за Би-Би-Си, Бертран вели дека луѓето од кампот, познат како „џунгла“ би можеле, уште додека се во Кале да аплицираат, а не да чекаат тоа да го сторат доколку успеат да се префрлат преку каналот Ламанш.
Овој локален француски функционер смета дека со неговиот план, секој мигрант што Британците ќе го одбијат за азил, веднаш ќе може да биде депортиран во земјата од каде потекнува.
Според Бертран, треба да се направи амандман на постоечкиот француско-британски договор од Ле Туке со што значително ќе се растовари притисокот врз Кале и ќе се намали бројот на мигрантите во кампот.
Договорот направен во 2003 година, овозможува британските имигрантски власти да прават пасошка контрола на француската територија, кај Кале или Данкерк, а француската служба тоа да го прави во Довер, на британскиот брег од Каналот.
Без овој договор, Британците би требало да ги примат и да ги прифатат сите на својата страна, па потоа, во Довер, да одлучуваат кого ќе примат во земјата.
Околу девет илјади мигранти од Африка, Блискиот Исток и Азија се собрани во кампот „џунгла“ во обид „на некој начин“ да се префрлеат во Бртанија, преку тунелот под морското дно или со некои од фериботите, обично сокривајќи се во товарните вагони или во големите камиони.
Во Лондон нема коментар за идејата на Бертран, освен што Хоум Офисот порачува дека Британија се придржува на европскиот договор, на земјите од ЕУ, со кој азил се бара во првата земја која важи за безбедна.
Во случајот на мигрантите од Кале, тоа се најчесто Италија и Грција, преку кои најголемиот број од илеганите мигранти влегле на територијата на ЕУ.
Мигрантите би можеле да поднесат барање во азил и во Франција, кога прв пат влегле на нејзината територија, но според Би-Би-Си , најголемиот број од нив не сакаат да останат на француската територија и бараат начин да се префрлат во Британија.
Идејата на Ксавиер Бертран е поддржана од речиси сите потенцијални претседателски кандидати, за изборите во Франција, во 2017 година, вклучувајќи го и бившиот претседател Никола Саркози.
Сите тие се согласуваат дека француско-британската спгодба од Ле Туке треба да се реформира, или да се поништи.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија