Франција конфискува иранско оружје и противтенковски ракети наменети за Јемен
Француските поморски сили минатиот месец конфискувале илјадници парчиња автоматско оружје, пушки и противтенковски проектили во Омански Залив, кои доаѓале од Иран и биле наменети за јеменските бунтовници Хути.
Иако Иран негира вмешаност, фотографиите од оружјето објавени од американската армија покажуваат дека тоа е слично на она што го запленија американските сили во други пратки поврзани со Техеран.
Оружјето било конфискувано на 15 јануари во Омански Залив. Вооружените сили на САД соопштија дека конфискацијата се случила „на рути кои во минатото биле користени за нелегална трговија со оружје од Иран до Јемен“.
Ембаргото за оружје на ОН забранува снабдување со оружје на Хутите поддржани од Иран, кои го зазедоа главниот град на Јемен кон крајот на 2014 година. Хутите војуваат со коалицијата предводена од Саудиска Арабија од март 2015 година, која ја поддржува меѓународно признатата влада на Јемен.
Ново на Сител
-
В недела посебен режим на сообраќај во Скопје
-
Музеите лани ги посетиле 289 767 граѓани
-
Да се цени фактот што Васил ја призна вината и изрази најдлабоко можно каење, вели неговиот адвокат
-
Тошковски и Дачиќ потпишаа договор за „One Stop“ систем и брза заедничка гранична контрола, имплементација пред летната сезона
-
За три дена во близина на грчкиот остров Гавдос спасени 270 мигранти и уапсени петмина криумчари
-
Трамп предлага намалување на царините за Кина на 80 проценти
-
Кривични пријави за злоупотреба на постапката за доделување договор за превоз на ученици во Куманово
-
Шаја Лабјуф за кавгата со Алек Болдвин: Беше тензично на пробите