Франција и Германија предложиле да биде поканет рускиот претседател Владимир Путин на самит со ЕУ
Франција и Германија предложиле да биде поканет рускиот претседател Владимир Путин на самит со Европската унија како дел од поширокото продолжување на односите на Унијата со Русија, објави Гардијан.
Предлогот на францускиот претседател Емануел Макрон и германската канцеларка Ангела Меркел следи по состанокот меѓу американскиот претседател Џо Бајден во Женева и рускиот претседател, а приврзаниците на оваа идеја велат дека европските лидери можат да ги дадат истите директни пораки за руското однесување додека ја држат вратата отворена за компромиси и соработка.
Ова е објавено ден откога руската војска соопшти за предупредувачи истрели кон британски воен брод во Црното Море во близина на Крим, тврдење што Велика Британија го негира.
ЕУ не одржал самит со Путин од анексијата на Крим во 2014 година и воведе неколку санкции против Русија.
„Треба да разговараме како да излеземе од оваа негативна спирала … но треба да одиме обединети напред“, пренесе весникот изјава од висок дипломат на ЕУ.
Не е веднаш јасно дали во предлогот ќе бидат вклучени сите 27 европски лидери или само претседателката на Европската комисија Урсула фон дер Лајен и претседателот на Европскиот совет Шарл Мишел.
Ново на Сител
-
Сообраќајот се одвива непречено, по суви коловози, золемен интензитетот надвор од градските средини
-
Сончево и многу топло време со температури до 38 степени
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки
-
Голем шумски пожар на планина во северниот дел на областа Атика, поширокиот регион на Атина
-
Муцунски во Дубровник на средби со Радман, Кулеба и Лајчак, интегрирањето на земјите од Западен Балкан во ЕУ во фокусот на разговорите
-
Дачиќ: Лицето што го изврши терористичкиот напад е преобратеник од Младеновац
-
ЦУК: Планинар кој паднал во провалија се здобил со тешки повреди на главата, со хеликоптер е пренесен до ГОБ "8-ми Септември" каде е констатирана смрт