Фон дер Лајен: Само обединета ЕУ може да биде силна
Избраната претседателка на Европската комисија, Урсула Фон дер Лајен, денеска од Загреб порача дека нејзините политички цели се да се урамнотежат истокот и западот, северот и југот, малите и поголемите членки на Европската Унија.
– Ако сме обединети, напредни, силни, ако зборуваме со силен европски глас, можеме да успееме, изјави Фон дер Лајен пред средбата со хрватскиот премиер Андреј Пленковиќ.
Таа на функцијата официјално ќе стапи во октомври, и со тоа ќе стане првата жена на таа должност. Фон дер Лајен побара од земјите членки на ЕУ до 26 август да ги достават своите кандидати за европски комесари, но досега тоа го направиле само 16 од вкупно 28. Исто така, таа бара секоја земја да предложи по двајца кандидати – еден маж и една жена, но засега тоа не се почитува.
Фон дер Лајен пристигна во Загреб по посетата на Берлин, Париз и Варшава и истакна дека ѝ било многу важно да дојде во хрватската престолнина по тие три града, бидејќи „Хрватска е најмлада членка на ЕУ, но е извонредна“.
– Фактот што на почетокот на следната година ќе претседавате со ЕУ, покажува дека Хрватска е исклучителна приказна за успехот на Европската Унија и оти може да биде пример за други држави, посочи следната претседателка на ЕК. Хрватска ќе претседава со ЕУ во првата половина на 2020 година, а по неа кормилото го презема Германија, земјата од каде што доаѓа Фон дер Лајен.
Ново на Сител
-
За семејните вредности - собири во Скопје и во Битола
-
Селекторот Бајиќ побара федерацијата да ги обезбеди најдобрите за следните квалификациски средби
-
Тема на денот со историчарот и аналитичар Стефан Дечев
-
Зголемен број колабирања поради високите температури
-
Петков: Направивме нешто извонредно, Брисел ги прифати позициите на Бугарија
-
Османи: Само едно прашање е спорно од францускиот предлог а тоа е протоколот
-
ВМРО-ДПМНЕ и денеска бара оставки, СДСМ ја обвинува опозицијата за рушење на позициите
-
Незапаметено невреме во Делчево