Филипче обвинува: Владата работи исклучиво за олигархијата

Признание и поддршка на трудот на наставниците најави кандидатот за градоначалник на Аеродром од СДСМ, Александар Трајановски. Честитајќи го Денот на наставникот рече дека општината ќе поттикне истражувања, проекти и иновации за училиштата во Аеродром да станат современи центри на знаење.

Време е да ја вратиме државата на страната на работниците. Претседателот на СДСМ Венко Филипче од Велес обвини дека Владата предводена од ВМРО-ДПМНЕ работи исклучиво за олигархијата во државата. Рече дека СДСМ останува на истите политики кои ќе значат раст на минималната и просечната плата.

Кандидатката за градоначалничка на Велес, Маја Хеско обвини дека ВМРО-ДПМНЕ четири години не направила ништо за градот. Велес е запоставен и заборавен од централната власт, поминува низ тешка криза и заостанува од околните општини, рече Хеско.

Најави дека ќе ја отвори општината кон јавноста и медиумите и ќе ја зголеми транспарентноста. Но и крупни, долгорочни проекти.

Кампањата на СДСМ денеска продолжува во Берово, Делчево и Пехчево.