Филипче: Нема невработен или неангажиран лекар во нашата држава
Министерот за здравство Венко Филипче денеска изјави дека болниците во целата земја се соочуваат со недостаток на медицински кадар, и оти тоа не е случај само кај нас, туку и во земјите од регионот. Филипче додаде дека имајќи ја предвид ситуацијата со Ковид-19, во овој момент нема невработен или неангажиран лекар во нашата држава.
– Проблемот со кадар е присутен на територијата на целата држава и секоја една болница вклучително и клиниките во Скопје се соочува со истиот проблем. И на самите инфективни одделенија од почеток на кризата не можеа сами инфектолозите коишто се многу малку на број, некаде 50 во целата држава да се справат со огромниот наплив на пациенти. И затоа во помош дојдоа лекарите од други струки, од други специјалности пред се интернисти. Сега се и тие ангажирани во рамките на нивните одделенија. Се испразнија Интерните одделенија на клиниките во Скопје и сега интернистите заедно со пулмолозите и антестезиолозите работат и ги лекуваат овие пациенти, изјави Филипче одговарајќи на новинарско прашање по постетата на струмичката болница заедно со премиерот Зоран Заев.
Ова, како што кажа е, проблем со кој се соочува апсолутно секоја земја во регионот. Ја посочи Бугарија како пример каде здравствените работници се мобилизирани и сите помагаат таму каде што се лекуваат пациенти со Ковид-19.
Филипче наведе дека во овој момент се уште нема потреба да се намали интензитетот на работи и закажување преку системот МојТермин, но здравствените власти се подготвени и на тоа сериозно да се редуцира и другата работа на лекарите и за тоа има план и во болницата „8 Септември“ и во другите клиники се со цел да уште поголем број на лекари им помогнат на своите колеги во третманот на пациентите заболени од Ковид-19.
-Во овој момент нема невработен или неангажиран лекар во нашата држава. Сите млади лиценцирани лекари уште пред неколку месеци се вклучија преку платениот стаж, тоа беше една политика на здружување на младите лекари во земјата која што ја пропагиравме година дена практично веќе се вклучени и помагаат секој во одредена област. Студентите од шеста година исто така во делот на епидемиологијата, сите здравствени работници се максимално ангажирани и помагаат според распоредот, според системот на тимови којшто го направивме во изминатиот период секаде кај што се лекуваат пациентите од КОВИД, појасни Филипче.
Министерот за здравство истакна дека по состанокот со приватните лекари десетина се пријавиле да помагаат во справувањето со Ковид-19, така што се уште нема потреба да се ангажираат пензионирани лекари.
-Некои земји тоа го прават. Некои земји ги враќаат на работа дури и лекарите и сестрите коишто се дијагностицирани позитивни и се асимптоматски или се во изолација заради контакт, меѓутоа ние засега со овој кадар на располагање успеваме да направиме систем на ротација, рече Филипче.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп