Филипче: „Ивермектин“ ќе пристигне во земјава во следните две недели - лекот ќе се издава на рецепт
Лекот „ивермектин“ ќе стаса во земјава во следните две недели, најави денеска министерот за здравство Венко Филипче.
– „Ивермектинот“ ги помина сите фази во Министерството за здравство и во МАЛМЕД, лекот ќе се издава на рецепт од страна на матичните лекари и во болнички услови – рече Филипче.
Тој објасни дека лекот ќе се дава на три групи граѓани и кај сите ќе има различно дозирање, поради што мора да се консултира лекар за неговата употреба. Станува збор за ризични групи на работници, лица кои имале потврден контакт и луѓе кои се заболени од ковид-19. Различно дозирање има кај сите групи и затоа треба да биде под надзор на лекар, додаде Филипче.
Тој оцени дека состојбата со новозаболени и хоспитализирани е стабилна.
– Верувам дека ќе остане вака и дека прекршувањата на мерките не беа чести и не беа многу. Мислам дека сме во стабилна епидемиолошка слика во која добро се менаџира и тестирањето и хоспитализацијата, има сосема доволен број на кревети, лекари и медицински сестри – додаде Филипче.
Ново на Сител
-
Шефицата на германската дипломатија Бербок утре во Скопје
-
Бугарскиот културен клуб „Иван Михајлов“ е избришан од Централниот регистар
-
СПМ: Уставните измени не се дел од копенхашките критериуми
-
Kасами: Тетово е главниот град на Албанците во Северна Македонија
-
19 годишник од скопско силувал малолетничка
-
Гостиварец изнајмил автомобил на 19 дена, па решил да не го врати - Поднесена кривична пријава
-
15 годишник обвинет за „тероризам“ - испраќал пораки со заканувачка содржина во повеќе училишта
-
JO со детали: Цариник од скопскиот аеродромот му помагал на на шверцерот со злато