Филипче: Иако Мицкоски не’ одби ќе поднесеме документ за црвените линии

СДСМ сепак, ќе поднесе документ во Собранието за евроинтеграциите и покрај тоа што Мицкоски веќе ја отфрли идејата на Филипче како видена итроштина парламентот да донесе резoлуција со македонски црвени линиии особено во делот на барањата на Софија, или да се прекинат преговорите со Унијата доколку добиеме ново вето.

Лидерот на опозициската СДСМ жали дека премиерот еднаш барал конструктиувност, а друг пат ги одбива сите предлози коментирајќи дека државата како веќе да ги нашпуштила преговорите бидејки ништо не се случува и се касни со обврските.

„Ќе спремиме еден документ којшто ќе биде работна верзија, кој ќе го понудиме во текот на оваа недела, во којшто сметам дека ќе влезат сите аспекти коишто се важни за државата. Ќе ги споменеме сите претходни декларации, ќе ги споменеме обврските коишто се преземени во рамките на Францускиот предлог и ќе дадеме предлог како ние како СДСМ сметаме дека треба да се продолжи понатаму, со јасни и точни црвени линии, конечно да знаеме сите на една маса за што зборуваме и како да продолжиме напред“

Филипче не откри кои се црвените линии на СДСМ, но смета дека за да се одблокира процесот ан евроинтеграција треба да се има државнички пристап.

Од власта пак, возвраќаат дека нема ништо државничко во предлозите на опиозцијата која како што велат од една страна бараат безусловни уставни измени за внес на Бугарите, а од друга страна бараат откажување на преговорите.

„Заедничките документите што се носеа во Собранието не донесоа сила, туку слабост – беа дерогирани веднаш штом ќе се појавеше предизвик. Нашиот пат е поинаков. Работиме на решенија што носат траен напредок – не на блокади што се повторуваат. Подобро е да покажеме трпение и мудрост, отколку да направиме потег кој утре ќе биде уште поголем товар за државата. Тоа е државнички пристап: да мислиме на денес, на утре и на задутре. Има уште една важна разлика. За нас европската иднина не е празна фраза – таа значи борба против корупцијата, модерна администрација, дигитализација, инвестиции во патишта, инфраструктура и нови можности за граѓаните. Ние веруваме дека резултатите дома создаваат почит надвор.

Мицкоски вчера  го одби предлогот на Филипче коментирајќи дека иако и претходно СДСМ и ДУИ носеле докумнети во парламентот и за барањата на Грција и за барањата на Бугарија, никогаш не ги почитувале.